Karong adlawa na mahibaw-an sa tanan kung unsa gyuy kamada sa mga lineups sa nagkadaiyang partido politikal.
Deadline karon sa substitution sa mga kandidato, ug usa padayong ginungtan sa mga tawo ilabi na sa mga nagkadaiyang supporters mao si presidential daughter Davao City Mayor Sara Duterte-Carpio.
Malaumon pa gihapon ang mga nagpaluyo kaniya nga mauaab pa ang iyang desisyon.
Si Duterte-Carpio niadtong adlaw nga Sabado miduso sa iyang kandidatora pagka bise presidente.
Giingong ka tandem siya ni presidential aspirant Ferdinand “Bongbong”Marcos Jr.
Laing giatangan karon, kung tinud-on ni Presidente Rodrigo Duterte ang iyang pamahayag nga mokandidato kini pagka bise presidente.
Atbangan niya iyang anak.
Sa tonada sa presidente, daw usa kini ka pamaagi niya nga ma pressure iyang anak aron modagan sa labing taas nga posisyon.
Sa mga surveys sa pagka presidente naguna siang presidential daughter, apan daan na kining miingon nga di siya modagan pagka presidente.
Gani nitapon na kini sa partidong Lakas-CMD nga kaalyado karon sa partido ni Marcos.
Hangtud dili mapupos kining adlawa my daghan pang kausaban dili lang sa national level kondili hasta sa lokal nga bugnong lugaynon.