Kon mahimo kitang dependent ra kayo sa uban

Kini ang atong masinati labina kon malisod alang kanato ang pagbarog sa atong kaugalingong mga tiil. Ning paagiha nahimong mas mag-agad naman hinuon kita kun unsay expectation sa ubang  mga tawo kaysa atong kaugalingong baruganan nga maoy mohulagway sa atong bansagon.

Nga bisan pa man kon tinuod nangindahay kita sa katilingbanong kahiusahan apan wala mahanaw gikan kanato ang atong kalainan gikan sa uban. Kita sa gihapon lain ug lahi.

Kagahapon gisaulog ang handumanan ni San Juan Pablo Segundo kun John Paul II, ang bantogang papa kang kansang pilosopiya nadasig sa pilosopiya ni Max Scheler usa ka personalist. Si Papa Juan Pablo Segundo usa man ka Christian Personalist.

Siya ang nagsulat sa libro nga Christian Personalism. Ang iyang definition sa pamilya mao man nga kini: Communion of Different Persons. Iyang gihatagan og igong gibug-aton ang personal individuation.

Ang nakapahimo sa usa ka tawo nga lahi sa uban. Sa laktod dili mahimong sukaranan sa kahiusahan ang gitawag nilang uniformity.

Mao nga sa maong panaglahi anaa man tuod ang panagsumpaki apan kining maong panagsumpaki mahimong mahiusa pinaagi sa paghigugma. Ang gugma maoy mobugkos sa tanan.

Ang gugma maoy nakapahiusa nato duyog niini ang pagtahud sa kalainan sa usag usa.

We are an easter people and alleluia is our song. Bisan pa man sa mga higayon nga nahimong idlas ang gitinguhang pagsinabtanay ato pud untang tinguhaon nga sugod sa atong kaugalingon ang maong tinguha ug kausaban. Hinaut pa unta.