Gustong direkta pag-transfer sa pangan sa anak
Dear Atty. DIVINE,
Good day Atty., naa lang koy pangutana, naay yuta napalit akong papa, iya na ipasunod nako, Antonio name sa akong papa ang gipalitan Encarnation, naa nay deed of sale nilang papa ug Encarnation. Ang declaration kang Antonio na. Pagam- an nako og Deed of Sale. Pwede ba madiretso sa akong name Encarnation to Daday ang Deed of Sale? Buhi pa man akong papa, si Encarnation buhi pa pud. Unsa may mas dili koti pag process sa Deed of Sale gikan ni papa to Encarnation or Encarnation to ako name. Ang titulo, name pa sa papa ni Encarnation. Dayon certified true copy ra kay wa ko kabalu kinsay gakupot sa titulo. Salamat atty and more power. — Daday
* * *
Dear Daday,
Kun ang title sa yuta nakapangan pa sa amahan sa seller nga si Encarnation ug unya patay na ang iyang papa, dili Deed of Absolute Sale ang pirmahan nga dokumento niini kondili Extrajudicial Partition with Sale. Mamahimo kini nga idiretso og transfer sa imong name ug dili na iagi sa imong papa apan ang problema kay nabalhin na man ang name sa tax declaration ngadto sa name sa imong papa. Mas maayo nga iagi nalang sa pangan sa imong papa una kini i-transfer sa imong name. Kinahanglan gyud nga inyong i-present sa Register of Deeds ang copy sa original title kay aron ma-process ang inyong pagpa issue og new title kay dili mo issue og new title ang Register of Deeds sa bag-o nga owner kun dili mapresent ang original copy sa title kay i-surrender man kini ngadto kanila. Ug tungod kay patay na ang original owner sa property, magbayad sab kini og Estate tax gawas sa Capital Gains Tax and Documentary Stamp Tax. Mas maayo nga moadto ka sa BIR aron sa pagpangayo og list of requirements sa pagbayad og Estate tax. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
