Patay na ang mi execute sa SPA

Dear Atty. Divine,

Ang akong papa namatay niadtong Hunyo. But before siya namatay nagbilin siya og Special Power of Attorney or SPA nga nag authorize nako sa pag-represent niya sa iyang  mga transaction sa business ug properties.

Lima mi ka magsuon ug patay na sad ang among inahan.

Ang akong pangutana, pwede pa ba nako  nga  magamit ang maong SPA ni papa? Daghang salamat.

Glen

* * *

Dear Glen,

Kun patay na ang nag execute sa Special Power of Attorney or SPA dili na kini mahimong gamiton sa gihatagan sa authority niini kay dili na man kini valid. Busa dili na nimo magamit ang SPA sa imong papa.

Apan being one of the heirs, mamahimo man nga ikaw maoy mo-represent sa imong mga igsuon sa pag-process kun unsay dapat hinyong buhaton sa business ug properties sa inyong amahan.

Ang imong mga igsuon mamahimo sab nga mo execute og SPA in your favor.

Thanks and God bless.

Atty. Divine

* * *

Alang sa inyong pangutana palihug lang sa pag email sa mailto:[email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.