Ang akong mga iro

Duna koy mga iro nga ginganlan og Macky, Shine ug Snow. Subo lang palandungon nga si Macky namatay ingon man sab si Snow. Samtang si Shine nakuhaan sa gisabak niini. Premature ang itoy. Subo palandungon apan maoy tinuod labina kun ang mawala gikan nimo mao kadtong mga mahinungdanong tawo nga makahatag nimo kahupayan panahon sa imong kagul-anan.

Bisan kun usahay kining akong mga iro buloyagon ug masilotan, apan padayon sa gihapon nako silang gipangga. Ingon ana sila ka mahinungdanon dili tungod kay sila mohupay kondili tungod kay sila sama sa uban dunay bili sa atong mga mata.

Anaa gyud ang pagbangotan kun mahal nato mahanaw gikan kanato.kining maong hitabo sa atong kasamdan gyud makapatandog. Apan luyo ning maong kahadlok dunay kamatuoran nga angayan natong dawaton.

Kini naglangkob ning mosunod:

1. Ang tanan lumalabay ra gyud. Too much attachment is dangerous.

2. Ang matag relasyon angayang I cherish labina gyud diha sa kasamtangan kay ang ugma wala nay kasegurohan.

3. Ang panaw sa kinabuhi bisan pa man kun dunay kinutoban angayan gihapong puy-an sa paagi nga madagayaon. Ug dili nato tugotan ang uban nga maoy magbuot sa atong kinabuhi.

Nahanaw man tuod ang maong mga binuhi kong mga iro apan pabilin gihapon sa akong panumdoman kun sa unsang paagi nila gihupay ang akong kakapoy, ang akong kaguol nga ilang gilangkat pinaagi sa ilang pagkitiwkitiw sa ilang mga ikog ug ang pagtilap tilap nila sa akong kamot. Kini agi og pagmatuod sa ilang pagpangga nga ako nakaamgo nga bisan kun ang akong isigkatawo ang wala makakita sa akong bili dunay mga hayop nga nihatag og bili niini.

Sa akong mga binuhi, daghang Salamat kaayo!