Kuwang lang gyud angmatag usa kanato og determinasyon mao nga dili gyud kita makalampos sa bisan unsa nga atong pagasugdan.
Kasagaran kanato mobati gyud dayon og kahadlok o kalisang kay lagi basin ug dili kita makatiwas. Kay lagi basin ug dili paigo ang atong paningkamot dili ba?
Mao nga hanap ang pagsud-ong sa mga pamaagi.
Hanap tungod kay nagdumili man kita sa pagpangita niini. Kun wala ang determinasyon nan, pakyas kita sa pagpadayon sa bisan unsa nga atong nasugdan.
Subo palandungon nga diha sa atong kinabuhi mas mosibaw pa hinuon ang atong gihambing katalaw.
Sa laktod nga pagkasulti, imbis makita pa nato ang kaanindot sa taliabot nga mga kahigayonan, mas nakita man nuon nato ang atong nagsingabot nga mga kapakyasan.
Kun ingon ini ang isilsil nato sa atong hunahuna nan, mamahimo kitang pildero sa hangtud. Unsay angayan natong himoon?
1. Una, ang pag-angkon nga duna kitay mahimo. Mahinungdanon lang nga gamiton nato ang atong creativity sa paghimo og mga lakang aron sa uban makatabang.
2. Ikaduha, mahinungdanon ang determinasyon sanglit kini man ang makapadasig kanato sa pagpamugas ug mas daghan pang kaayo aron makaani gihapon og kaayo.
3. Ikatulo, ang determinasyon kinahanglang sugnoran aron magpabilin kining init ug buhi. Dili paigo ang pagtinguha sa usa ka pangandoy kinahanglang himoon nimong buhi ang maong pangandoy ug kabahin sa imong inadlaw nga paningkamot ug panlimbasog.
4. Ikaupat, ang determinasyon mahimong pawongon sa bisan unsang pagsaway ug pagbiay biay. Ang mahinungdanon ayaw lang gyud og paghunong. Ang mga hinawayon ug way pagsalig sa imong katakus, pasagdahi nga mag-antos.
5. Ikalima, tinuod nga ang mga tawo kinahanglanon aron mamahimong makatilingbanon kita nga pagkatawo. Hinuon kana, kun ang dagan sa ilang pangisip sa imong pangisip. Ang bisan unsang tinguha dili makab-ot kun managlahi ang atong pagsabot.