Dear Atty. Divine,
Maayong adlaw kanimo.Tigpaminaw ko sa imong programa sa una sa radyo. Naa koy pangutana unta attorney. Naa koy kauban sa trabaho nangutang siya attorney sa online kining gitawag ug billease online. Nihangyo siya nga akoang ngalan ang gamiton kay dili siya pwede kay ang requirements sa utang kay valid ID wala man siyay valid ID mao to akoa iyang gigamit. Misugot ko attorney kay misalig ko niya unya kababayan pud nako Bisaya. Nangutang siya kay palitan daw niya iyang papa og cellphone. Unya karon attorney kay wala man siya nakabayad hangtod moabot na ug duha ka tuig karong November. Nagkadako ang penalty attorney. Mangayo unta ko nimo og tambag kung unsay maayong buhaton nako ani attorney daghang salamat attorney ug keep safe pirmi. Daghang Salamat.
Jennifer
* * *
Dear Jennifer,
Kun misugot ka nga imong mga ID ang gamiton sa iyang pagpangutang unya ang iyang giutangan wa masayod niini nga nanggamit ra diay siya og ID, ikaw gyud ang mapaninglan sa iyang giutangan.
Dili gyud unta maayo nga imong ipagamit ang imong identity ug imong mga ID sa ubang tawo kay kun gamiton kini niya sa mga binuang ikaw ang mabutang sa alanganin. Kun di gyud niya bayran ang maong utang ug ikaw ang paninglan sa iyang giutangan, then you have to prove nga dili ikaw ang nangutang. Mas maayo sab nga imong kombinsihon ang imong amiga nga nangutang sa pagbayad niini aron dili ka mapagan sa iyang problema. Thank you and God bless.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug inyong tubagon ang inyong pangutana pinaagi sa akong column matag Miyerkules, Sabado ug Domingo.