Gustong nang mobaligya ang ubang heirs

Dear Atty. Divine,

Duna koy pangutana labot sa yuta nga sinunod sa mga ginikanan nga patay na. Ang yuta adunay gidak-on nga nine thousand (9,000) square meters ug siyam ang mga anak nga magbahin.

Ang unom ka anak gustong mobaligya sa ilang shares apan ang tulo ka anak dili mopirma sa Deed of Absolute Sale kay dili man nila ibaligya ang ilang shares. Ang akong pangutana kun makabaligya ba ang unom ka anak sa ilang shares ug binlan lang sa ilang shares ang tulo ka heirs nga di mopirma?  Daghang Salamat.

Justiano

* * *

Dear Justiano,

Ang mga heirs adunay katungod nga mobaligya sa ilang tagsa-tagsa ka share sa sinunod nila nga property ug dili makabuot niini ang ubang heirs gawas lang kun sila mismo ang mo offer nga maoy mopalit.

Busa kun ang unom ka mga heirs gustong mobaligya then pwede kini nilang buhaton apan kutob ra gyud sa ilang share ug ibilin ang share sa tulo nga dili gustong mobaligya.

Apan aron maklaro og bahin ang property, mas maayo nga ipa-subdivide kini ngadto sa siyam ka bahin aron maklaro ang ilang share ug kun asa dapita ang mga utlanan, once maklaro na ang ilang shares, then pwede na nila kining ibaligya. Thanks and God bless.

Atty. Divine

* * *

Alang sa inyong pangutana, palihug lang sap ag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.