Unsa na ni, Sara-Isko vs Bongbong-Pacman vs Leni-Drilon?

Mao kini ang headline sa column ni Atty Josephus Jimenez sa The Freeman. Karambola, matud niya. Karambola kaayo, kon mahinayon man ugaling kini nga lineup sa mga kandidato pagka-presidente ug pagka-bise karong sunod tuig. Nakabasa na tingali mo niini.

Ania ang iyang prediction (or speculation): “Looking at my political fortune cards for 2022, I can see a realignment of forces in the electoral constellations that will offer the Filipino electorate a wide array of choices.

“And I can predict that the winners shall be Sara Duterte for president and Manny Pacquiao for vice president. This will be a major victory for the Minadanaoans and the Visayans and will be a major blow to the ambitions of Bongbong Marcos, Leni Robredo, and Grace Poe. Mag senador na lang sila.”

Mao ba usab kini ang inyong nalantawan karong umaabot 2022 elections? Sa ato pa, samtang makadaug si Sara, mapilde si Isko pagka-bise; ug samtang mapilde si Bongbong, makadaug si Pacman pagka-bise.

Giawhag ni Jimenez ang taga-oposisyon nga modagan na lang pagka-senador; aduna pay purohan nga modaug.

Ang bintaha ni Sara, matud ni Jimenez: “Inday Sara has the solid backing of all the regions in Mindanao, from Region 9, the Zamboanga peninsula, to Region 10, the vote-rich northern Mindanao corridor. Region 11, the Davao region will give her 80% of the votes. Region 12, Region 13, the Caraga, and the Bangsa Moro will not be far behind.”

Kuyaw no? Kon seguro gayod nga makuha ang tibuok Mindanao, seguro nausab ang kadaugan ni Sara. Ug tungod kay ang mga Duterte aduna may roots dinhi sa Kabisayan, makadugang kini sa kadaugan ni Sara. Of course, si Isko makakabig usab og mga voto ngadto kang Sara.

Adunay Solid North si Bongbong, apan, dili maiya ang Metro Manila ug ang southern Tagalog, matud ni Jimenez.

Busa, kon unsa man ang mosunod nga kaugmaran sa politika sa nasud, alegre gayud unta ang umaabot nga eleksiyon.

Sa local, in most instances, mag-agad kita sa kalihokan sa kaulohan. Nga kon kinsa man ang dumadaug sa national level, makahig usab ang atong mga kandidato dinhi. Busa, angayan kining bantayan, unsa ang development sa national politics.

Whatever, sa ako nang giingon alegre gyud kaayo ang ang umaabot nge eleksiyon. Kahibawo man ta nga ang politika maoy pastime natong mga Pinoy. Ato kining ipamahaw, ipaniudto, ug ipanihapon. Pakapinan pa sa snacks.

Dugang ni Jimenez: “There are many Visayans in Metro Manila who remain loyal to the Dutertes. The majority of the OFWs are from the Visayas and Mindanao regions. My informal survey with my network of OFW community leaders in Saudi, Kuwait, Qatar, Dubai, Malaysia, Singapore, Hong Kong, Taiwan, Europe, and the USA indicate that Sara and Pacman will be the strongest combination in 2022.”

Niining mga panglantaw ni Jimenez, mao ra’g siguro na ang kadaugan ni Sara. Dugang niini, ang mga Villar kuno magpaluyo gyud ni Sara, basta malakip si Mark Villar sa lineup ni Sara, ug si Cynthia maoy mahimong Senate President. Ug natural si Speaker Alan Velasco magpaluyo usab ni Sara.

Ug specifically kita dinhi, unsa man, Sara ta?