Bati na daan ang hitsura nga gipakita sa kapolisan diha sa ilang pagserbisyo sa katawhan, kinsa mao mismoy nagsuweldo kanila.
Sukad pa sa mga miaging administrasiyon, sugod gayod sa pamunoan ni anhing Corazon ‘Cory’ Aquino, kinsa imbes pulihan niyag bag-o ang mga mangangalagad nga duol sa poder ni anhing Pamuno Ferdinand E. Marcos, kinsa gipalayas human midaog ang 1986 People’s Power Revolution sa Edsa, wala lang niya ibilin si Juan Ponce Enrile, Fidel V. Ramos ug uban pa, sa Malakanyang.
Gihimo pa niyang tuo ug walang kamot, diin tungod niini, daw sila nay mipadagan sa Pilipinas.
Ug dili na si Cory. Resulta?
Nawad-ag bili ang maong makasaysayon untang kadaugan natong mga Pilipino sa mga mata sa tibuok kalibotan. Kay inay molambo ang Pilipinas.
Misamot hinuon kaut-ot ug migrabe paglipang ang kagaw sa pagpangurakot.
Dili lang ang mga polis maoy miabuso. Hasta ang ABS-CBN nga kanhi gipasira ni Marcos tungod sa bias nga pagpanibya, nakahigayon pod pagpahimulos human kini gihatag pagbalik ni Cory ngadto sa mga Lopez. Ug uban pang mga kompanya.
Apan human sa 1986 Edsa Revolution, dihang si Cory na ang presidente, yano ra kaayo kining gibalhin-tugyan ngadto sa Lopez Group, kinsa wala gyod pabayra sa minilyong nagasto sa kagamhanan sa pag-improbar niini panahon pa sa Martial Law.
Unya, mipagawas pa’g executive order nga nagtugot sa mga Lopez pagpakigkompetensiya sa Napocor. Paagi nga nakapabilyonariyo’g samot sa mga Lopez samtang ang taga National Capital Region nagbaguod sa grabeng kabug-at sa balayranan.
Gikan ni Cory, hangtod pagka-presidente sa anak, PNoy Aquino, nagpadayon ang pag-antos sa katawhan ning ilang garapalang dinad-an isip pamuno sa Pilipinas, nga daw hait lansang nga gipataop sa atong dughan.
Kamaot sa kinaiya nga ilang gipasangil ngadto ni kanhi Pres. Marcos. Pero, sa hilom, didto diay kini magsugod ni Cory, diin panahon sa paglingkod ni PNoy sa palasyo, misamot pa kalaksot.