Sa dayon nakong paghikatulog

May the peace! Of the tallest mountain

And peace of the smallest stone

Be your Peace!

May the stillness of the stars watch over you

May the everlasting music of the wave

Lull you to sleep! (Celtic Prayer for Peace and Sleep)

Dunay mga higayon nga hangol kaayo ko og katulog. Kining magka edad na ta daw sa minanok na lamang ang atong paghikatulog. Pun-an pa sa daghan na kaayong gipanghunahuna, mao nga angayan lamang nga isipon nga dakong bahandi ang pagpahulay nga malinawon diha sa mamingaw nga gabii. Hinuon salamat sa Dios nga dinhi sa Madridejos, Alegria ang mga tingog sa mga balud nahimong daw musika nga kanako nagpakatulog. Nindot gyud tuod ang pahuway.

Sa panaw sa kinabuhi dunay mga higayon nga kinahanglanon gyud nato ang pag-withdraw gikan sa kadaghanan. Ang maong withdrawal wala man magpasabot nga mamahimo kitang mag-recluse tungod kay naglikay kita sa mga tawo.

Apan sa paghimo sa ingon, buot lamang nga pangitaon nato diha sa kahilom ang atong kaugalingon. Pinaagi niini mamahimong mas masuta nato ang bili sa pag-inusara aron mahuptan nato ang pagtubo ug paghamtong.

Usahay man gud dili kaayo makatabang ang pagpunay og kuyog sa uban. Ang paghimo sa ingon usahay makapahimo natong dependent ra gyud kaayo sa mga opinion sa kinabag-an.

Mamahimong molipang ang atong ego apan nahimong sawot ang atong kaugalingon. Nahanaw kita tungod kay ang pagpunay og apil sa lumba sa kinabuhi mao man ang nikawat sa mga maayong panahon sa pagtubo unta. Ang sayop nga panlantaw mao man ang nihimo kanatong pugsanon sa pagpangita sa kalipay segun sa gilatid sa kalibutan. Sa dayon na nakong piyong sa akong mga mata akong gilitok kining maong pag-ampo

I lay my head to rest and in doing so lay at your feet

The faces I have seen the voices I have heard

The words I have spoken

The hands I have shaken

The service I have given

The joys I have shared

The sorrows revealed

I lay them at your feet

And in doing so

Lay my head to rest…..

Ug nanghinaut ko nga sa maong paghinanok mamahimong puno sa kahulogan ang akong paghikatulog.