Ang mahurawong mensahe gikan sa maluloy-ong Dios

Tungod ba kaha sa pandemiya daghan sa mga tawo ang nangita og kalingkawasan sa gipas-an nga mga suliran. Daghan ang nahimong putong, daghan ang nahimong walay kapaingnan. Apan subo kay dunay mga tawo nga nahimong mapahimuslanon sa mga panghitabo nga tungod niini bisan gani ang ngalan sa Dios mahimong gamiton sa paagi diha sa pagpasipala.

O mahimo pud gamiton diha sa pagpangilad ug pagpanghadlok. Kun kini mao ang nahimong pamaagi sa tawo nga nangangkon nga nakahupot siya sa gasa ug karisma sa nga iya kunohay sa Dios. Apan nagpahimulos sa kahuyangan sa uban nan, seguro ko nga kini dili gyud iya sa Dios hinunoa iya kini sa demonyo.

Nganong gamiton man gyud kini sa mga tawo ning panahona:

1. Una, tungod kay dunay mga tawo nga mahimong mogamit sa kahuyangan sa uban alang sa kaugalingong kapasikaran.

2. Ikaduha, nahimong saturated sa mga problema kun imong hadlokon ang imong biktima mamahimo siyang submissive sa imong kagustohan ug mapahimuslanong mga lakang.

3. Ikatulo, ang personal conviction nga ikaw sinugo sa Dios nga tungod niini mohimo ka og mga pagpasiatab sa mga posibleng mahitabo, nan, usa kini ka paagi sa pagpadayag nga ikaw nga hingtungdan dunay deperensiya sa imong panghunahuna. Naghuwat ka lang og makahigayon, naghuwat ka lang nga mas mapadayag ngadto sa uban ang imong dakong panginahanglan nga ikaw ilang tahuron, nga ikaw ilang hatagan og igong pagtagad.

Ang maayo nga buhaton sa mga tawo ning mga panahona mao gyud ang dili dayon pagtuo ni ang dili dayon paghatag og igong gibug-aton kun maghisgot kita og mga supernaturals. Ang tanan wala kinahanglana nga imong tubayan kinit ungod kay gawas nag-usik lamang sa panahon, mamahimong mahiagom ka pa sa panglingla sa kadaghanan nga nahimong mangingilad ning mga panahona.

Ang Dios gugma ug dili mahimong manghuraw siya tungod lang sa kapritso sa mga hingtungdan.