Sa katapusan siya midigwa

Kini ang nahitabo sa maong babaye nga gidala kanako dili pa lang dugay.

Daghang mga panahon ug higayon nga siya wala pakatulga sa iyang gihambing balatian.

Kining maong babaye sa akong tan-aw biktima sa tunglo sa tawong dunay kalagot niya.

Ang maong babaye batan-on ug nahimong nahiagom usab sa mga verbal abuse sa mga tawo nga nagpalibot niya.

Salamat sa Dios nga human sa maong pray over nabatonan niya ang kalingkawasan human nila i-give up ang ilang mga habak.

Typical lamang kin inga kasinatian dinhi sa probinsiya. Dili lamang kini mahitungod sa dautang espirito nga mamiktima matag karon ug unya.

Mahitungod usab kini sa mga significant others nga mahimong mo form o mo-deform kanato.

Mahitungod kini sa mga tawo nga mahimong tuburan sa atong gugma o tuburan sa atong mga kapakyasan. Sus!

Dautan gyud ang katawhan ning panahona nga maoy hinungdan kun nganong mahimong moguho ang mga demonyito ug demonyita.

Sa atong panaw sa kinabuhi mahimong saypon kita sa uban apan sa Dios dili gyud kita mahimong iyang pasagdan.

Busa angayan lamang nga atong himoon ang pag-atiman sa mga pulong atong malibkas ingon man ang mga butang nga atong mabuhat.

Kay basin baya tungod kanato mamahimong sulad ang ilang kinabuhi gumikan sa atong pagpasagad.