Dear Atty. Divine,
Ang among silingan mitanyag sa akong igsuon sa pag assume sa house and lot nga iyang gidata- datahan sa usa ka developer. Ang worth sa maong house and lot, 2 million pesos ug ang iyang nabayad miabot na og P500,000.00. Tungod sa pandemic maglisud na daw siya sa pagbayad sa monthly dues hinungdan nga iya kining ipa assume ug magpa-uli lang siya sa iyang nabayad na. Duna siyay gipakita nga Contract to Sell tali niya ug sa developer. Ang akong pangutana kun unsay angayang buhaton sa akong igsuon aron mamahimong legal ang iyang pag assume sa property? Daghang salamat.
Claire
* * *
Dear Claire,
Mas maayo nga makig coordinate kamo sa developer alang sa tinguha sa imong igsuon sa pag assume sa maong house and lot. Kini aron mahatagan mo sa list of requirements gikan sa developer alang sa pag assume sa imong igsuon. Mo coordinate sab mo sa developer sa mga dokumento nga dapat ninyong pagapirmahan aron pagseguro nga ma-recorded sa developer ang inyong pag assume. Busa sa dili pa mobayad ang imong igsuon sa P500,000.00 kinahanglan nga maklaro una ninyo sa developer ang tanan labot sa iyang pag assume. Inig bayad papirmahon sab ninyo ang first buyer og Waiver Rights in favor sa imong igsuon sa maong property bugti sa inyong pag-uli kaniya sa iyang nabayad sa house and lot aron di na siya maka claim pa sa iyang katungod sa maong house and lot. Thanks and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.