Dear Atty. Divine,
Duna koy bag-ong apartment nga akong paabangan sugod next year.
Gusto lang unta kong mangutana kun pila man gyud ka buwan ang standard nga advance rental ug deposits alang sa gustong moabang?
Kun pananglit mopatuman ko og increase matag tuig pila man ka percent ang dapat iusbaw sa abangan? Daghang salamat.
Joel
* * *
Dear Joel,
Basi sa Rent Control Act of 2009 , ang lessor sa usa ka residential unit mamahimo lang mokolekta og bali usa ka buwan nga advance rent ug duha ka buwan nga deposit.
Kun pananglit mo end na ang kontrata ug di makabayad ang nag-abang sa rent, electricity, water and other utility bills ang deposit niya maoy kuhaan niini.
Samtang kalabot sa rental fee increase, mamahimo kang mopausbaw niini matag tuig apan kinahanglan nga dili kini mosobra sa 7% sa imong existing rental fee.
Buot ipasabot nga dunay limit ang ipahamtang nga increase sa rent, samtang sa advance rent og deposit dili ka mamahimong mokolekto og sobra sa gilatid sa balaod.
Thanks and God Bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.