Dear Atty. Divine,
Duna koy tulo ka anak ug pulos na sila minyo ug mga professional. Lately, usa sa akong mga anak gikalalis sa akong bana ug nagkatinubagay sila. Tungod sa kalagot sa akong bana gusto siyang mo execute og Last Will and Testament ug iyang i-disinherit ang usa sa among anak nga iyang gikaaway kay gusto daw niyang hatagan og leksyon. Ang akong pangutana kun pwede ba nga magamit nga ground ang ilang panaglalis sa pag disinherit sa usa namo ka anak ? Daghang salamat.
Carla
* * *
Dear Carla,
Basi sa Article 904 sa atong Civil Code, kini nagkanayon nga ang testator dili mahimong mohikaw sa share sa iyang mga compulsory heirs ug kini naglakip sa surviving spouse ug sa mga anak. Apan kun gusto gyud sa testator nga i-disinherit ang iyang anak nga usa ka compulsory heir pwede kini niyang buhaton provided nga ang iyang ground sa pag disinherit apil sa nalatid sa Article 919 sa atong Civil Code sama sa pagmaltrato sa anak ngadto sa testator or pagdumili sa anak sa pagsuporta sa iyang ginikanan ug uban pa. So, kinahanglan nga ang iyang ground nalakip sa gi enumerate sa Article 919. Apan mas maayo nga imong tambagan ang imong bana nga dili magpadala sa emotion kay normal ra gyud nang mag away ang pamilya apan ang importante magpinasayloay ug maguliay sa maayong kabubut-on ilabi na kay duol na ang Pasko. Thanks and God bless. Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.