Unsaon pagbahin ang kabilin
Dear Atty. Divine,
Dunay beach lot nga gibilin ang among apohan. Pito ka buok ang iyang mga anak ug pulos patay na.
Busa kaming mga apo mao nay nag occupy sa property. Karon ang uban namo nga ig-agaw gusto na man nga mokural sa ilang share.
Wa pa man ni namo ma mabahin bahin gyud ug nag- angkon -angkon ra mi og luna.
Unsay angay namong buhaton aron maklaro gyud ang among tagsa-tagsa ka bahin sa dili pa magkural ang uban. Daghang salamat.
Gina
* * *
Dear Gina,
Mas maayo nga magsabot mong mga heirs nga inyong ipa-survey ang lote ug dayon ipa subdivide. Kun pito ka buok ang anak sa imong lolo, bahinon ang property og kapito so one share sa matag anak. Once mabahin na og kapito, mao na sad kadto ang bahinon sa mga apo.
So kadtong gamay ra og anak mas dagko og bahin ang mga apo. Kun maklaro na ang bahin pwede nang magpakoral then mo-execute mo og Extrajudicial Partition ug pirmahan ninyong tanan og panotaryuhan.
Human niini, inyong i-process ang estate tax aron bayran og i-process ang pag-transfer ngadto sa tagsa-tagsa ninyo ka pangan. Thanks and God bless.
Atty. Divine
* * *
Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
