Ang pagbanhig

Ang dalan padulong sa Jerico usa ka hilan nga dalan. Daghan dinhing dapita ang gipangtulis niadtong unang panahon.

Ilang modus mao nga sila magpaaron nga mga gitulis ug magbuy-od dayon sa dalan.

Inig duol sa motabang unta nga tawo mogawas dayon ang mag kaabin sa nagbuy-od aron tulison ang nitabang.

Mao ni hinungdan kun nganong ang pari ignon man ang levita nilikay ug nitipas agi sa laing dalan. Dugang pa, gi-presume man nato nga ang maong pari ug levita padulong man sa templo sa Jerusalem.

Ug sugo sa balaod sa pagpanglinis kinahanglang dili sila makahikap ug dugo ni minatory kay kini man ang makahimo kanila nga mga ritually impure nga sa ato pa dili na sila mahimong makatambong sa liturhikanhong kalihukan.

Sa laing bahin ang mga Samaryanhon bisan pa man kun kadugo ra sa mga Judiyo ang walay maayong kabubut-on sa usag usa kay kining mga Judiyo man gud ang maisip natong  mga purist ra kaayo nga tungod niini kinahanglang dili mahimong makigminyo ug laing mga kaliwat other than sa mga Judiyo.

Apan bisan pa man ning maong panaglahi ang Samaryanhon ang nipadangat saiyang pagtabang sa gibanhigan. Ang gibanhigan iyang gibuboan og bino ug lana ang mga samad niini, gipasakay sa iyang hayop ug gipaatiman niya sa iyang abotanan.

Timaan lamang kini nga ang paghimo og maayo alang gyud sa tanan ug dili lang alang sa pipila.

Nagpasabot kini nga ang gugma universal ug inclusive kun malukpanon regardless sa kagikan, kultura, ug relihiyon.

Ang tanan gyud unta kinahanglang mamahimong usa. Ut Unum Sint matud pa. Apan kanus-a pa kaha ni mahitabo.