Dear Atty. Divine,
Duna koy pangutana labot sa akong illegitimate child. Nagbuwag na mi sa amahan sa bata og duna na siyay laing karelasyon karon. Apan wa siya magsuporta sa bata bisan kun kapila na nako siya gipangayuan og financial support. Unsay angayan nako nga buhaton aron mapugos siya sa paghatag og child support? Daghang salamat. —Mina
Dear Mina,
Ang bugtong paagi aron mapugos gyud ang amahan sa imong anak sa pagsuporta sa bata mao ang pag file og Petition for Support ngadto sa Korte. Ang Korte mismo maoy mopadala kaniya og summon aron pagtubag sa iyang kaso ug kun human sa trial mapamatud an gyud nga wa siya magsuporta sa bata then ang Korte na mismo ang mohukom ug momando kaniya sa paghatag og ayuda sa bata matag buwan. Kun mapakyas siya sa paghatag og suporta sa bata bisan pa sa mando sa korte hayan mamahimo siyang ma contempt of court ug hayan mapriso tungod sa pagbalewala sa mando sa korte. Thanks and God bless.
Atty. Divine
* **
Alang sa inyong pangutana palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.