Ang ikaupat nga Mactan-Cebu bridge

Dili kay kami rang taga-Opon ang nalipay sa gitaho ni Rep. Eddie Gullas nga P1.2 bilyones nga gahin alang sa pagtukod sa ikaupat nga taytayan nga mag-connect sa Isla sa Mactan ug mainland Cebu.

Daghan kaayo ang nalipay niini, ilabina ang mga liboan ug mga biyahedor sama sa mga foreign ug domestic tourists nga muagi sa Mactan airport sa dakbayan sa Lapu-Lapu. Locally, makapaluag kini sa trapiko.

Robust na kaayo ang kaugmaran sa sa dakbayan sa Lapu-Lapu ug Cordova. Nagkadaghan nang mga tawo ang mag-ngadto-nganhi sa Isla sa Mactan ug mainland Cebu.

Kahinumdom ko nga usa mga plano ni Serging Osmeña, sa iyang pagpabalhin sa airport gikan sa Lahug ngadto sa Opon, mao nga inigbawi sa China sa Hongkong, iyang himuon nga free port and Mactan, puli sa Hongkong.

Dungan niini mao ang pagtukod og taytayan nga magkutay sa Opon ug Cebu, diin sila si Serging ug Presidente Elpidio Quirino maoy nangulo pag-groundbreaking sa proyekto. Alang kanamong mga batan-on niadtong tungora, usa kadto ka damgo nga lisud tumanon. Si Presidente Marcos na ang nakapatuman sa maong damgo.

Matud ni Gullas nga sakop sa House appropriations committee, ang maong kantidad, pasiuna lamang, ug kini nalakip sa 2021 spending program sa Department of Public Works and Highways (DPWH) pagtukod og mga taytayan sa tibuok nasud.

Sa gisugyot nga P4.5-trillion national budget alang sa sunod tuig, P13.7 billion niini ang gastuon sa DPWH alang sa pagtukod og mga taytayan, matud ni Gullas.

Dugang ni Gullas: “The new Cebu-Mactan Bridge and Coastal Road Construction Project is an absolutely critical component of Metro Cebu’s future infrastructure. The entire project is estimated to require up to P80 billion to complete by January 2028 (dugay pa man) when all facilities are put into service.”

Sa miaging Hunyo niining tuiga, ang kagamhanan sa Pilipinas ug kagamhanan sa Japan, pinaagi sa Japan International Cooperation Agency (JICA) mitimaan og kasabutan niini ang Japan mi-commit pag- provide up to P55.8 billion (or 119.2 billion yen) in official development assistance (ODA) loans pagtabang sa gasto pagtukod sa bag-ong taytayan.

So, nia pa man ning nagsamok-samok nga coronavirus, nga lagmit molungtad pa hangtud sunod tuig, madugay pa nga kasugdan ang trabaho niini. Huwat lang ta. Ang-ang.

* * *

Giingon dinhi nga daghang ginikanan ang mi-prefer sa modular learning kon kining pagtudlo pinaagi sa printed o digital modules, kay sa distance learning modalities, o online-based nga paagi sa pagtudlo ug pagkat-on. 

Sa survey nga gihimo, dul-an sa 9 milyones ka ginikanan ang mipabor sa modular learning over the online learning. Kini tungod kay mas daghang ginikanan ang walay access sa internet ug walay mga modernong kahimanan o mga gadgets ug devices nga magamit sa distance learning.

Pagkakaron, adunay kapin sa 22.36 million ka estudyante ang mipadayag sa ilang tinguha pag-enroll both sa mga tunghaang publiko ug pribado alang sa school year 2020-2021. Kapin sa 20.95 million ka estudyante ang so far, nagpa-enroll sa mga tunghaang publiko, as against sa 1.357 nga nagpa-enroll sa mga private schools.

Ug daghan usab ang namalhin gikan sa mga private schools ngadto sa mga public schools.