Gidasig sa Department of Agriculture ang matag usa dinhi sa tunga-tungang sidlakan sa pagpananom og mga utanon aron aduna kini lab-as o presko ug nutritious nga pagkaon sa balay ilabi na ning panahon sa krisis sa panglawas.
Gidasig usab ni DA-7 Regional Executive Director Salvador D. Diputado ang mga nutrition frontliners, advocates, ug mga stakeholders sa pagmugna og ilang kaugalingon pagkaon sama sa mga utanon sa ilang nataran ug luyo sa panimalay.
Dugang ni Deputado nga ang pagpananom og utanon sa nataran ug sa palibot sa panimalay usa ka alternatibo nga paagi aron mahimong produktibo ug aron aduna nay andam nga pagkaon ang matag usa samtang nagpundo sa balay tungod sa community quarantine nga gipatuman sa gobyerno aron mapakgang ang pagkuyanap sa COVID-19.
Si Deputado nagkanayon nga ning panahon sa pandemiya diin ang lihok sa katawhan gipugngan ug limitado, ang publiko dili gayod unta maglangay tungod sa pagkamahinungdanon sa pagbaton og himsog ug nutritious nga pagkaon alang sa lig-on nga panglawas nga may resistensiya ug lig-on nga immune system.
Gipahibawo ni Deputado nga ang ilang buhtatan nanghatag og og mga liso sa utanon sa nagkalain-laing mga lokal nga kagamhanan dinhi sa rehiyon ug ngadto usab sa mga walk-in nilang mga mga kliyente. Pwede ra pod nga mapalit sa mga grocery stores sa mga dagkong tindahan ang liso sa mga utanon.
Maayong patalinghogan sa katawhan ang programa nga gipasiugdahan sa Department of Agriculture-7 tungod kay dako kini og ikatabang kanato ning panahon sa pandemiya. Dili ikalimod nga limitado ang resources sa gobiyerno maong ayaw isalig ang tanan nimong kinabuhi sa gobyerno.
Ayaw pagbagulbol kun nakasinati ka og kalisod ning panahon sa pandemiya kay kun imong palawman ang imong pagsabot, ang gobyerno wala mangimbitar sa COVID-19 nga moanhi dinhi sa Pilipinas.
Lihok ug paningkamot may madawat man kang tabang o wala sa gobiyerno kay labing seguro ang uban kanato daan nang nagkalisod ug kakha-tuka ang kahimtang bisan sa wala pa ang COVID 19. Busa pananom. Ayaw pagtinapol.