Dear Atty. Divine,
Duna koy anak sa pagkadalaga ug naa nako ang bata. Apan nagplano ko nga manarbaho sa gawas sa nasud kun ma-normalize na ang tanan after aning pandemic. Tungod niini, hayan ang amahan sa bata maoy mo-atiman sa akong anak. Apan nabalaka ko nga basin unya og dili na ibalik sa amahan ngari nako kun mo end ang akong contract sa gawas. Posible ba nga mawad-an ko og parental authority sa akong anak kun ako ning ihatag sa iyang amahan samtang ako magtrabaho sa gawas? Daghang salamat .
Gina
* * *
Dear Gina,
Basi sa Article 176 sa atong Family Code, ang illegitimate nga anak ubos sa parental authority sa inahan apan pwede ang bata nga makagamit sa apelyido sa amahan ug entitled sab siya og support gikan sa papa. Sa imo nga kaso, tungod kay illegitimate ang bata ikaw ang dunay parental authority sa bata. Apan kun di gyud kalikayan nga imong ibilin ang imong anak ngadto sa iyang amahan kun ikaw manarbaho sa layo, wa kini magpasabot nga ang imong pag-transfer sa parental authority sa imong anak ngadto sa amahan permanente na tungod kay ang maong pag transfer temporary lang. Bisan pa gani og duna kay gipirmahan nga dokumento nga nag transfer sa imong authority sa bata di gihapon kini makonsiderar nga permanent matud pa sa Korte Suprema. Ang parental authority ug responsibility inalienable o dili mabalhin gawas lang kun kini gitugot sa balaod sama sa adoption, guardianship or gi-surrender ang bata sa DSWD or any orphan institution. Thanks and God bless.
Atty. Divine
* * *
Alang sa inyong pangutana palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.