Sa nasinating kahadlok sa COVID-19 wala na nato seguro natutokan ang ubang mga balatian nga nag atang lang kanus-a makabiktima.
Sama sa dengue nga daan na nga public enemy number one tungod sa ka deadly niini ug hangtod karon wala pa gihapoy tambal, naa na untay bakuna nga dengvaxia pero napornada kay daghan usab ang mga namatay ug gitoohan nga gumikan sa bakuna.
Sa Central Visayas lang dol-an sa 9 mil ka mga tawo ang nataptan sa dengue ug aduna nay 31 ang namatay.
Kong itandi nato sa covid case ang region 7 adunay 4,000 kapin ang nataptan diin ang dakbayan sa Sugbo maoy nag una, asa may mas grabe sa dengue nga 8,700 nga kaso?
Dili angayan nga ipadaplin kini tungod kay proven and tested na ang dengue nga deadly ug padayon nga nangbiktima.
In fairness sa ahensiya sa gobiyerno basin nagpadayon ang ilang programa apan wala lang kaayo natutokan kay nalubong sa covid.
Gawas sa dengue naa pay HIV-AIDS nga mas grabe, kumusta naman ang programa? Kumusta naman ang mga persons with HIV?
Mas kahadlokan kini kay wala pay tambal batok sa balatian, dili ang mga tawo nga nataptan ang kahadlokan kon dili ang virus nga nagmugna sa balatian.
Sakto ang giingon ni Gov. Gwen Garcia nga move on na ta sa coronavirus, sakto gyud kay mas tang-an pa ang mga balatian nga nag una niini.
Pero magpabilin gihapon kita nga mag amping batok sa COVID-9 ug ubang mga balatian.