Dear Atty. Divine,
Ang akong amiga nag apply as domestic helper sa Middle East pinaagi sa usa ka agency. Gipangayuan siya og mga requirements ug placement fee nga mobalor og usa ka buwan niya nga sweldo.
Ang problema kay wa siyay ikahatag para placement fee. Mitanyag ang agency nga mo apply siya og loan sa ila ra sab nga company apan aduna kini taas nga interest.
Ang akong pangutana kun husto ba kining gibuhat sa agency? Daghang salamat.
Gina
* * *
Dear Gina,
Basi sa provision sa Section 51, Rule V, Part II sa Revised POEA Rules and Regulations Governing the Recruitment and Placement of Land Based Overseas Filipino Workers of 2016 kini nagkanayon nga ang placement fee mamahimong kolektahon sa usa ka OFW nga mobalor og usa ka buwan nga sweldo gawas lang sa mga domestic worker.
Buot ipasabot nga exempted sa placement fee ang mga domestic workers sama sa imong amiga busa dili mahimong mo charge ang agency kaniya og placement fee kay usa kini ka kalapasan sa maong lagda.
Kon mamugos ang agency mamahimo kini niyang ireklamo sa POEA. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.