Paspas kaayo ang pagburot sa gidaghanon sa mga nagpositibo sa Coronavirus Disease COVID 19 sa Pilipinas sulod lang sa usa ka adlaw niabot na sa 35 ang kaso.
Kini base usab sa resulta sa mga napaubos sa test nga mga tawong adunay simtomas sa balatian kaniadto.
Apan dunay usa ka COVID 19 positive ang walay history nga nakaadto sa gawas sa nasod nga naay COVID case, hinoon didto kini tanan sa kaulohan.
Bisan og didto ra sa mga dapit sa Luzon kining mga nagpositibo apan dili kita angayan magbalewala niini kay wala usab kitay kasegurohan kon COVID free pa kita sa Central Visayas.
Matud sa Department of Health Region 7 Director Jaime Bernadas nga wala nay mga persons under investigation (PUIs) pero mas gikinahanglan nga pahugtan pa ang paghimo og panagang aron magpabilin nga libre kita sa gikahadlokan nga kagaw.
Ang presidente mideklarar na og state of public health emergency diin makagamit na og pundo nga gamiton sa prevention ug containment sa kagaw nga dili moagi sa proseso.
Apan hilabihan ka gamay nga dili gani makita ang COVID19 nga dili lang damhon nakasulod na diay sa lawas, bugtong pangontra mao ang pagpalig-on sa immune system.
Gawas niini aniay mas gamhanang hinagiban nga mao ang pag ampo sa Ginoo nga maoy makaluwas kanato.
Ang nahitabo karon usa ka wakeup call o pahigmata sa katawhan kinsa nakalimot na Kaniya kay na busy na sa pag facebook ug uban pa.
Tinuod baya kini kay kin mag social media bisan pa og magbuntagay ilabi na kun mag Netflex.
Apan kun magrosaryo dukaon dayon hangtod makatulog nga wala ra man unta kanay usa ka oras.
Ang panghitabo karon sinugdanan pa lang diin naa pay moabot nga mas makapatay-og sa kalibutan.
Ang pangutana andam na ka?