Compromise agreement

Dear Atty. Divine,

Ang akong igsuon gipasakaan og kasong civil. Apan before nag-start ang trial gi-refer sila sa mediation og duna silay nakab-ot nga compromise agreement nga gipirmahan both parties. Apan after sa signing mireklamo ang ginikanan sa reklamante og mipasangil nga gi-pressured daw ang iyang anak sa pagpirma sa maong kasabotan. Ang akong pangutana kon pwede pa ba nila i-withdraw ang maong compromise agreement? Daghang salamat. —Romy

Dear Romy,

Ang compromise agreement nga gipirmahan sa matag habig during sa mediation i-submit kini sa korte alang sa pag-aprobar ug human niini, mopagawas og desisyon ang korte basi sa maong compromise agreement. Kon ang reklamante mismo boluntaryo nga mipirma sa maong kasabotan atol sa mediation then dili maka-question niini ang ginikanan ilabi na kon wa siya atol sa pagpirmahanay og wala usab siyay labot sa kaso. Ang mediator mismo maoy makapamatuod nga wa pugsa ang matag habig sa pagpirma kay ang mediator igo  ra man kana mopatunga. Dili mahimo nga mokalit lang og bakwi ang usa ka habig sa iyang gipirmahan nga kasabotan tungod lang kay nausab ang iyang hunahuna or na-influenced siya.  Ang Korte Suprema mismo maoy mimando nga himoong mandatory ang mediation before sa trial sa mga civil cases aron sa pag-decongest sa mga kaso sa k orte. Hinuon adunay ubang kaso nga dili mamahimong areglohon sama sa Annulment of Marriage. Busa sa kaso sa imong igsuon, kon boluntaryo nilang gipirmahan ang compromise agreement way rason nga dili kini aprobahan sa korte  gawas lang kon kini misukwahe sa balaod. Thanks and God bless.

Alang sa inyong pangutana, ipadala lang sa Legal Corner sa Banat News sa V. Gullas St.; Cebu City or email sa [email protected] og akong tubagon ang inyong pangutana pinaagi sa akong column matag Miyerkukes, Sabado og Domingo.