Ang Banay nga Uytico

Niduaw kanako ang banay nga Uytico gikan sa Siboinga Sugbo aron moipahuway una bisan sa makadiyot gikan sa naglaundok nga mga gimbuhaton.

Anaa silang Sir Ramir, si Bong nga iyang Igsuon, Si Chang, Si Raymund, Karen, Chona ug uban pa. Kuyog nila ang ilang mga anak anaa ang maanyag nga kapikas ni Yakyak ug uban pang mga kabataan.

Gikan sa Sibonga niadto sila sa Boljoon hangtud nga niabot sila sa among nahimutangan dinhi sa Madridejos.

Si Sir Ramir gyud ang nangunay sa pagluto sa lamiang mga pagkaon nga hasta gani mi nakaapil gyud sa pagkaon. Hugpong ang ilang panagkuyog ug nahimong mabulokon ang ilang banay.

Anaa man tuod ang pagsulay nga ilang nahiagoman kaniadto apan tungod sa ilang dakong pagsalig sa Dios sila nakaabot sa ilang nahimutangan karon.

Matud pa ni Bong o Ambo nga bisan pa man kun siya siawan apan si Lord dili gyud mahimong hikalimtan.

Si Mama Mary nga iya gyud sangpiton panahon sa kagabhion kay tiaw mo na, malisud alang niya ang pagkatulog nga dili makarosaryo.

Dunay pipila ka mga punto nga angayan natong makat-onan gikan sa maong kasinatian. Kini naglangkob ning mosunod:

1. Mas mahinungdanon ang pamilya matud pa ni Sir Ramir. Ang suliran sa atong katilingban maoy salamin sa kahimtang sa matag pamilya. Ang suliran sa matag pamilya mahimong makaapekto sa mga sakop niini nga bisan pa man kun makab-ot niini ang kinapungkayan sa himaya ug dungog diha sa natad sa panarabaho kun dysfunctional ang pamilya mamahimong dysfunctional usab ang tanan. Ang tanan mapagan.

2. Ang laing aspeto mao nga dili paigo ang pagtrabaho lang aron mabuhi kinahanglan ang trabaho expression kun unsang matanga sa pagkinabuhi ang atong gisubay.

3. Ang yanong pagpuyo sa tagsa tagsa dako naman kaayo og kahimoan aron sa pag-angkon nga bisan pa man kun ang atong kinabuhi puno man sa komplikadong sagol apan kun anaa lamang ang kakontento mamahimong maayo ang tanan alang kanato.

4. Nindot gyud nga sugdan ang bag-ong tuig diha sa husto nga pagkasugod kay kun dili kini masugdan sa hustong pagkasugod unsaon naman lang?

Salamat sa Pamilyang Uytico kay daghan kong nakat-onan niadtong gabii nga kita nagsalo salo sa mga yanong pagkaon gipakapinan sa kasinatiang talagsaon! Happy New Year!