Dear Atty. Divine,
Ang akong igsuon nagplano sa pagpasaka og kaso batok sa among silingan nga nangintriga kaniya ug gihinganlan siya og kabit. Unsay kaso ang dapat niyang ipasaka? Unsay una niyang buhaton? Daghang salamat. —Jessa
Dear Jessa,
Ang imong igsuon mamahimong mopasaka og kasong oral defamation og puwede sab siyang mopasaka og intriguing against honor nga pulos punishable basi sa Article 358 og Article 364 sa Revised Penal Code. Pulos kini kriminal nga kaso nga nagpahamtang og silot sa mga tawong mopakatap og intriga, pagpanglibak ug paghatud og estorya nga nakadaut sa dungog sa usa ka tawo. Ang unang buhaton sa imong igsuon mao ang pagpasaka og reklamo batok sa inyong silingan nga nagdaut sa dungog sa imong igsuon. Thanks and God bless. —Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.