Dear Atty. Divine,
Duna koy pangutana may labot sa mga negative messages nga gi-posts sa Facebook wall against nako. Ang nag-post niini mao ang akong amiga. Iya ko nga gihinganlan og scammer ug mangingilad. Usa ko ka ahente og yuta ug tungod sa iyang gi- posts sa Facebook batok nako na-cancel ang akong transaction sa yuta kay miatras ang buyer. Gusto nako nga hatagan og leksyon ang nagdaut sa akong dungog kay naapektuhan na ang akong panginabuhian. Unsay una nako nga buhaton aron mapasakaan nako og kaso ang responsable niini? Daghang salamat.— Delia
Dear Delia,
Ang una nimong buhaton mao ang pag-screen shot sa mga negative ug libelous messages nga gi-post sa Facebook wall against nimo. Apil sa imong kuhaan og screen shot ang profile name ug profile picture sa nag-post. Human niini, moduol ka sa imong lawyer aron sa pag-prepare sa imong Complaint-Affidavit sa kasong Cyber Libel nga imong ipasaka batok sa nag-post sa libelous comments nga gi-post sa Facebook wall ngadto sa Prosecutors Office. Ang fiscal mo conduct og investigation sa imong kaso ug hatagan og higayon ang respondent sa pagtubag. Human niini, mopagawas og desisyon ang Prosecutors Office kun i-file ba ang kaso sa korte or i-dismiss tungod sa kakuwang og ebidensya. Thanks and God bless. —Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_ divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.