Culmination programme sa 2019 Senior Citizens Month celebration karong Oct. 31, sa Plaza Sugbu gihapon

Mao kini ang gipahibawo ni Jeffrey Ocampo, Executive Director sa OSCA, Office of the Mayor, diin matud niya, gumikan sa pagbulig ug pagpaluyo sa concerned nga mga buhatan sa City Hall, ug sa mainitong  pagsanong sa mga pribadong institusyon, atong mapaabut ang mga surprises ug makalingaw  nga tulomanon pagtak-op sa kasaulogan sa Senior Citizens Month karong tuiga.

Sugdan ang pagpang-rehistro sa mga manambong nga senior citizens sa mga alas 3:30 sa hapon ug ang programme proper sa  mga alas 4:00 na sa hapon ug molungtad sa sayong gabii sa alas 7:00.

Sugdan ang pagpang-rehistro sa mga manambong nga senior citizens sa mga alas 3:30 sa hapon ug ang programme proper sa mga alas 4:00 na sa hapon ug molungtad hangtud  sa sayong gabii sa alas 7:00.

Ang venue mao gihapon, sumala sa gisugyot ni Vice Mayor Mike Rama, diha atbang sa kiosko sa Magellan’s Cross, aron maoy mamahimong background sa mga kalihokan, sama sa pagbukas nato sa kasaulogan sa niaging Oktubre 1 ug sa First Halad sa mga Senior Citizens Services sa Oktubre 15.  Matud ni Ocampo gituyo kini nga hapon ang celebration tungod kay niining mga taknaa landong na ug dili na mahasul ang mga senior citizens.

Aron dili makalimtan, sila si Leziel ug Vince sa OSCA manawag ra sa mga president e ug sa mga contact persons sa nagkalainlaing senior citizens associations sa mga barangay. Ato ning huwaton.  Ug bahin sa financial assistance, kon kanus-a kini ipanghatag, ang tinubdan ning maong kasayoran mao lamang ang Office of the Mayor ug ang Office of Senior Citizens Affairs. Ang gikan sa ubang tinubdan, lagmit sayop o disinformation.

* * *

Maghisgot ta’g  kooperatiba. Sa usa ka tigum uban sa kapin 40 ka senior citizens sa usa ka barangay, ako silang gipangutana kon pila kanila ang dunay savings deposit sa bangko.  Way usa kanila ang niisa sa kamut.

Nagpasabot nga sama kanako, wala usab silay deposito sa bangko.  Ako silang giingnan nga kun nagsugod sila’g deposito sa nag-edad pa’g 20, bisa’g tag 10 pesos lang kada-adlaw, inay ipalit og sigarilyo, pila na kaha karon ang daily deposit nga 10 pesos lang, karon nga nag-edad na sila’g 60 o 70.

Sa pakisuse sa kadagkuan  sa kooperatiba sa atong nasud, pagsuta kun unsay hinungdan sa kapakyas sa ubang mga kooperatiba, nakita nga ang mga Pilipino kuno, ikaw ug ako, matud pa; Are not prone to saving..

Wala kita maanad, dili atong kinaiya ang pag-save. Ang paggasto may atong naandan. Wala kita tudloi sa atong mga ginikanan, sa mga magtutodlo ug sa mga tunghaan, ug bisan ang Simbahan, wala kita tudloi pag-save.

Nga kun maghisgot kita’g kooperatiba, ang gamay natong ikatampo ngadto niini, maisip kini nga forced savings. Unya, tungod lagi kay wala kita maanad pag-save, bisan og pugson pa, di gyud ta mo-save.

Dugay na kining cooperative movement dinhi sa atong nasud, In fact ang labing una nga kooperatiba gitukod ni Dr. Jose Rizal sa tuig 1896 sa iyang pag-excile didto sa Dapitan.

Balik ta sa pangutana: Pila katong mga senior citizens ang adunay substantial nga deposito sa bangko?