Service charge sa mga hotel ug restaurant kinsay magbahin?

Dear Atty. Divine,

Nagtrabaho ko sa usa ka restaurant ug nag-start ko last month. Sa akong nahibaw-an entitled mi og bahin sa  service charge. Apan ang akong pangutana kun apil ba sa pagkwenta sa sweldo ang among bahin sa service charge? Ang mga empleyado nga nagkupot og managerial position apil ba sa maka- share sa service charge?  Daghang salamat. —John

Dear John,

Basi sa RA 11360, ang balaod nga nagmando kun unsaon pagbahin ang service charge nga kolektahon sa mga hotel ug restaurant, kini nagkanayon nga bahinon kini sa tanang covered employees gawas lang sa mga nagkupot og managerial positions.  Buot ipasabot nga way labot ang mga manager sa pagbahin sa service charge. Ang inyong bahin sa service charge wa kini labot sa inyong sweldo, sa ato pa, ang hotel o restaurant kinahanglan gyud nga mo comply  sa minimum wage law  ug dili  niya ilakip sa pagkwenta sa sweldo sa empleyado ang  share service charge nga gidawat sa usa ka  employee. Thanks and God bless. —Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_divina @yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.