Letrang BCD ang kinabuhi

Ning kalibotan nga atong gipuy-an walay permanente. Tanan pulos temporaryo. Lakip na ang kinabuhi sa tawo, bisan usa walay exempted. Kitang tanan mamatay gayod. Hinuon, anaa lay mauna. Ug aduna poy maulahi. Busa, unsa ba angay buhaton? Ang pagpangandam sa atong espirituhanong kinabuhi.

Hinumdomi. Man is composed of body and soul. Only the body will perish while soul will live forever. Mao nga kon tukhangon ang drug pusher sa polis ug intimanong maigo sa ulo, iya rang lawas ang mamatay.

Apan ang iyang kalag mogawas sa lawas ug mobalik ngadto sa atong Magbubuhat aron hukman asa siya ibutang sa sunod kinabuhi nga mao na ang forever.

Kon atong lingiog balik ang basic alphabet, gikan sa A ngadto sa Z (26 ka letra tanan) ug ikumparar sa gidugayon tang pagpuyo dinhi sa yuta, diin kutob ra sa letrang D, pastilan, pagkamubo ra diay sa atong kinabuhi. Busa, angay gyong busgon ang soul kanunay.

Matod pang Rev. Fr. Gerry Orbos, SVD, “Somebody said, life is a journey from letter B to D. Birth. Death. What happens between B and D is your life. It’s up to you. It’s your call. You have never good luck? It’s good. You are happy? It’s okay. It’s your choice. Letter C (in the middle of B and D) is Choice.”

Sa ato pa, kon unsang matanga sa kinabuhi ang gustong puy-an gikan sa  pagkahimugso hangtod pag-abot sa kamatayon, kita ang magpili. Kon maoy imong gipalabi nga magdato, busa nagnegosyo kag binultong shabu, choice na nimo.

Kon kalipay nimo nga bisan sa kagamay sa imong suweldo, modumdom kag hatag og pagkaon sa mga kabos, it’s your choice.   Unya, midugang si Fr. Orbos: “Life does not end after Death. What letter is next to D? Letter E, Eternity. There’s life after death.” Pagkatahom nga mensahe!

Mensaheng nagdasig natong tanan nga samtang buhi pa, kinahanglang magpaduol gyod pirme sa Ginoo pinaagi sa pagtuman sa Iyang mga sugo, diin ang usa nag-ingon: “Love your enemies.”

Unya, kaya nimo ang pag-love sa imong kaaway?  Kaya ba nimo nga kon laparohon ang tuo mong aping, ipatara-tamparos sab nimo ang wala? Dili?

Aw, dili ka ma-langit!