Gipakauwawan sa amiga

Dear Atty. Divine,

Naa koy amiga nga gusto nako pasakaan og kaso tungod sa iyang pagdaut sa akong dungog. Ako na ni siyang gibadlong apan wa gyud ni siya mohunong sa iyang pagpakauwaw nako. Unsay una nakong buhaton og unsa nga kaso ang dapat nakong ipasaka? Daghang salamat.—Janet

Dear Janet,

Kun ikaw gidaut ug gipakauwawan sa imong amiga, pwede nimo siyang pasakaan og kasong oral defamation. Ang una nimong buhaton mao ang pagpasaka  og reklamo batok kaniya sa barangay  aron kamo magka-atubang  sa barangay. Kun di mo mahusay sa barangay then mangayo ka og Certification to File Action ug mopasaka ka og kaso ngadto sa piskaliya batok sa nagpakauwaw kanimo. Ang fiscal mopadala og subpoena sa imong gikiha aron pagkuha sa iyang habig. Kun makita sa fiscal nga dunay  basihan  ang imong kaso then iya kining i-file ngadto sa korte. Thanks and God bless. — Atty. Divine

* * *

Alang sa inyong pangutana, ipadala lang sa  Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana  pinaagi sa akong column matag  Miyerkules, Sabado ug Domingo.