Cheke nga miuntol
Dear Atty. Divine:
Ang akong amiga nangutang nako og P200,000.00. Misugot ko kay ipuhunan daw niya og negosyo. Ang among sabot nga bayran niya sud sa unom ka buwan ang iyang utang ug iya ko ng gi-isyuhan og cheke nga tag 100k each. Wa nako patungi og interest kay gusto ko motabang niya. Ako sad siya gipapirma og promissory note. After 6 months mi due na ang iyang duha ka cheke ug ako na kining gipa en cash. Apan miuntol ang duha ka cheke kay wa diay siyay igong pundo. Akong gitawgan ang akong amiga apan cannot be reached na ang iyang phone. Kanunay sad ni nga wa sa ilang balay every time nga ako siyang adtuon kay paninglan. Unsay angay nako nga buhaton aron makolekta nako ang maong utang? Daghang salamat.
Jessica
* * *
Dear Jessica,
Ang unang buhaton nimo mao ang pagpadala og demand letter sa imong amiga pagpahibawo nga miuntol ang cheke nga iyang gibayad nimo ug pag settle sa iyang utang nimo. Kun dili gihapon kini mobayad, mamahimo kang mo file og kasong kalapasan sa BP 22 batok sa imong amiga. Usa kini ka criminal offense busa mamahimong mapriso ang imong amiga kun mapamatud-an. Pwede sab nga civil case lang ang ipasaka nimo kun ang gusto nimo mabayran lang sa utang. Mo file ka og kaso ubos sa small claim case ngadto sa MTC ug mas paspas ang proseso niini ug di na sab ka magkinahanglan og abogado. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
