Ang S nagpasabot og Stimulus. Ang matag usa nahimong magkauyon pinaagi sa external qualities nga nahuptan. Kun maghisgot kita og external qualities kalakip niini ang panggawas nga bayhon, susamang interest sa kinabuhi ug uban pang mga reyalidad nga mahimong makuha nato diha sa first impression.
Ang V nagpasabot og Value o bili. Dili lang kini sa mahitungod sa mga external qualities kondili kalabot usab sa mga maayong hiyas o gawi nga nakapahimo sa usa ka tawo nga atong gikarelasyon ingon nga bililhon sa atong kinabuhi.
Ang R nagpasabot og Role diin ang matag usa diha sa natad sa relasyon ang nahimong dunay kaugalingong tahas og gimbuhaton sa pagpalambo sa atong relasyon. Kining maong teoriya pinasikad sa hunahuna ni Murstein, usa ka social psychologist.
Akong gipaambit kining maong teoriya sanglit daghanan karong mga panahona ang nisabot sa relasyon ingon nga pragmatic ug utilitarian nga sa ato pa nakigrelasyon kita tungod kay atong gihimong mas palabihon ang atong makuha kaysa atong mahatag diha sa relasyon.
Ang uban nato nagtuo nga ang bugtong stimulus mao ang functionality apil na pud ang aesthetics kay kun may hitsura ang tawo nan, nahimo siyang inapas sa kadaghanan most likely mas ma-hire siya diha sa trabaho kay sa mga tawong dili pleasing ang dagway.
Ang atong i-value dili ang tawo kondili ang iyang nahuptan ug ang iyang kamapuslanon. Ang atong role imbis motabang nahimong daw sama sa mga alimatok nga mosupsop sa dugo sa ilang biktima aron sila magpakabuhi.
Ning atong panahon karon tinuod atong kinahanglan ang survival sa kinabuhi apan mas labing maayo nga atong tan-awon ang tawo ingon nga bahandi ug dili butang lamang nga gamiton kun kinahanglanon.
Unta dili na himuong by word ang ginamitay ug kun ang tawo mobuhat og mga butang maayo kini nagpasabot nga siya nakaamgo sa iyang kinabuhing maalagaron ug mahigugmaon sa iyang isigkaingon.
Kay ang tawo dili butang. Ang tawo may lawas ug may kalag ingon man may pagbati mao nga ato kining isipon nga usa ka mahinungdanon nga elemento diha sa atong kalambigitan. Kay tinuod nahimong paspas ang teknolohiya apan kita karon nahimong loading diha sa atong tawhanong pagpakabana.
Walay ikahulip sa bisan unsang personal ug suod ang mahinungdanon mao nga kita moisip sa usa-g-usa nga mahinungdanon ug bililhon as if dili kita mabuhi kun wala ang usa’g usa.