Grasya sayong kamatayon

Kini ang nalitok nga mga pulong gikan sa nagkurog niyang baba.

Dili siya makadawat sa mga panghitabo sa iyang kinabuhi.

Kini tungod kay ang giisip niyang mahinungdanon ang nawala naman sa iyang kinabuhi.

Tinuod ang giingon ni Andrew Solomon: “Depression is a Flaw of Love!” tungod kay malisud alang nato ang pag let go sa atong giisip nga importante mao nga kita masakitan gyud sa hilabihan ug dili makadawat niini. Padayong nahimong stressful ang kinabuhi karon.

Daghan ang pressures, daghan ang demands. Usahay malisud alang nato ang pag-enjoy sa kasamtangan gumikan sa atong tinguha nga mamahimong seguro sa umaabot.

Apan lisud kini mahitabo.

Mao nga gumikan sa daghang kasakitan, daghan sa mga tawo ang buot na lang modiskanso. Buot moeskapo sa kalibutanong pagbakho.

Apan sa laing bahin, dunay sekreto aron ang tawo mo-survive sa kinabuhing masudyaon.

 Ang flexibility sa kinabuhi sama sa tubig nga mo-assume og mga nagkadaiyang bayhon ang mamahimong mabuhi sa paagi nga madagayaon.

Ang tanan sa kinabuhi mag-agad ra gyud sa pagpili.

 Dili nato ipamugos ang bisan unsang dili na applicable sa mga panginahanglan.

Ang mahinungdanon mao nga maantigo kang maminaw niini, mohangop niini ug mopuyo niini pinasikad sa bisan unsay praktikal ug dili sa bisan unsang gilatid sa gitawag nilang kapalaran.

Kay ang pagtinguha nga mamatay dili sulbad aron makaikyas sa daghang mga suliran.