Ang bugti sa gugma

Pebrero 24, 2019: Ikapitong Domingo sulod sa tuig

MGA PAGBASA:  1 Sam, 26; 2,7-9,12-13,22-23/Sal. 103/1 Cor. 15;45-49/Lk. 6;27-38

Dili tanang gugma nahimong bugtian og gugma. Ang uban mahimong mobugti og pagluib.

Apan ingon ana gyud nang gugma kinahanglan nga imong ihatag uban ang hunahuna nga dili kana kinahanglang baslan.

Matang kini sa gugma nga gipakita mismo sa atong Ginoo sa dihang midupa siya sa Krus aron lang kita pasayloon.

Ang hustong paggamit sa kagawasan mao man ang paghimo og maayo ug dili ang dautan. Nianang paagiha malipay ka, malipay usab ang uban.