Karon, unsaon man nato pag-ila ang mga senyales nga subra na sa asukar ang atong lawas? Ania sundan nato ang nakasulat sa libro nga ‘ The Sugar Detox’ nga sinulat ni Brookt Alpert,MS,RD. Segun pa niya, ang asukar walay kalainan sa druga nga pulos makaadik malobat kon di katilaw…. Ang iyang sinulat nagsilbing pulang bandera nga nagpasidaan sa subra na mahiligon sa asukar.
* Mangunot ang nawong ug nukahon og panit — Kon subra ka sa asukar, dangtag lima ka adlaw, duna nay makita nga kausaban sa panit nga mokunot ug daghang manurok nga bugasbugas, acne ug ubang problema sa panit. Gidasonan kini ni Dr. Rebecca Kazin, sa Washington Institute of Dermatology.
* Saputon ug daling masuko — Ang iyang kabuot tandogonon na kaayog kinaiya nga kusmoron nag dagway di gusto dunay mohasol niya. Epekto ni sa subra kataas sa lebel sa asukar.
* Motaas sab ang kaloriya — Kon motaas ang diabetes lebel sa asukar, moduyog sab ang kaloria, labi na sa type 2 diabetes, gamay rag kapasidad sa asukar nga himoong insulin, nga subra magpondo lang sa dugo, maong motaas ang bloodsugar.
* Ngipon mangadaut — Samtang nga sige tag konsumo og mga tam-is, ang atong laway magbasa nga permi tam-is, mao nga ang enamel nga proteksyon sa ngipon mangahilis diin mga kiki nga nakasuksok sa ngipon nga dali ra mahimong cavities nga kutkoton ang ngipon. Busa sa pagkosumog asukar kontrolahon nga ibalanse sa ubang pagkaong dasok sa fiber ug mga nutrens nga gikinahanglan sa lawas nga palig-onon ang sistima sa imyun, aron kondisyon atong panglawas.
Timan-i nga di magpalabi sa usa ka butang, imo gayud ni ibalanse sa ubang pagkaon.