Dear Atty. Divine,
Duna koy anak sa pagkadalaga apan ang gidala nga apelyido sa bata mao ang akong apelyido kay wa man kini siya ma -acknowledge sa amahan. Last year naminyo ko og gusto unta sa akong bana nga ang iyang apelyido mao sab ang gamiton sa bata. Unsay angayan namo nga buhaton? Daghang salamat. — Jessa
Dear Jessa,
Aron ang imong illegitimate child makagamit sa apelyido sa imong bana ug mamahimo na sab nga legitimate child ang iyang status nimo ug sa imong bana, ang inyong buhaton mao ang pag-file og joint petition sa korte alang sa pag-adopt sa imong illegitimate child. Kun ma grant sa korte ang adoption nga inyong i-file then makonsiderar na ang bata nga legitimate child ninyong duha ug ang iyang birth certificate mausab na sad lakip na ang iyang apelyido nga diin ang apelyido na sa imong bana ang mamahimo niyang dad-on. Mas maayo nga moduol mo sa inyong abogado alang sa maong proseso. Thanks and God bless. —Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.