Way way igong katakus?

Mao kini ang hinungdan kun nganong daghan nang mga langyaw ang gipatrabaho dinhi sa atoa. Ang rason mao nga kuno sila mas makamao pa kay kanato kay ang atong mga skilled workers wala na dinhi nanglangyaw na pud.

Tingali dunay kamatuoran ang maong pamulong apan sa laing bahin ang maong pamulong mahimong tuison kun daghan pa lang unta ang mga kahigayonan dinhi dili na unta molangyaw ang uban. Kun anaa pa lang ang pagsalig sa kaugalingong ato nan, mamahimong patas ang tanan. Ug kun mamahimong andam ug tagana pa lang ang tanan sa pagkat-on  inay ang pagtinapolan nan, mamahimong mabungahon ang matag tikad.

Lahi na gyud tingali ang panahon karon. Daghan ang buot mamahimong anaa sa opisina bisan dili angayan ug kun may anaa man sa uma ang pagayubiton usab gumikan kay lapukon ang iyang mga palad.

Asa man ang hustisya?