* Menus ang ihi ug ang kausaban sa kolor – Tuhoan sa dili kundili ka makagamit sa pansayan o CR, sud sa pipila oras, segurado ang lawas kulang sa tubig. Ang senyales nga husto ang lebel sa tubig ang lawas, makapangihi ka sa kaupat ngadto sa kapito kada adlaw.
Ug unya, tan-awa ug obserbahe ang kausaban sa kolor sa imong ihi.
Kun puti o tin-aw nga kolorawo, nagpasabot nga husto ang lebel sa tubig mo.
Samtang nga lagumon nga dalag (yellow) nga may pagkapulahon (reddish) ug nga daghan og buwa(bubbles), indikasyon kini sa kulang og tubig.
* Depresyon ug kakapoy – Resulta kini sa lawas nga kulang sa tubig, hasta ang utok maaburido ug manginit kay way tubig makapabugnaw sa asidik nga lawas. Luya ang utok sa depresyon, kapoy nga pirme dukaon.
Way oxygen o hangin ilahutay ang kusog, nga bisa’g maglingkod lang gikutas na sa kakapoy.
Ang ubang organ ma-trigger o maamong nga dili katarong sa kaakohan sa lawas, kay di man kaandar kun kulang sa tubig.
* Panakit sa lawas – Tungod kay kulang sa tubig, motukar sab nga manakit ang mga lutahan, kaunoran, kaugatan, kabukogan.
Kun kini magpirme, saw-on kini sa artraytis, kay motuskig ug mag-uga kay way igong tubig nga padanglog aron kini molumoy ug molig-on.
Ang hustong lebel sa tubig, mao ray pang-alkontra ini.
* Pangunot, himbison ug ngabil nag-uga – Ang tubig pagpalumoy ug pahamis sa panit, apan ang kulang sa tubig makapakuyos ug mangunot ang panit.
* Mopaspas ang pitik sa kasingkasing – Maghangos nga nagkalisud sa pagbomba sa baga kay way tubig ikasustiner nga paganahon ang sirkulasyon, sa dugo ug hangin (oxygen).
Kuyaw ang kasingkasing nga saw-on kini sa atake.
Malamposon ang pagsaulog nato sa Sinulog Festival 2019 nga gidagsaan.