Dili lang ang kakulang sa tubig moresulta sa paglabad sa ulo, kondi mosangpot pa ni sa grabeng kondisyon ngadto sa migraine ug sinus, morag tulisokon ka sa kasakit nga ingon sa gibarenahan ang ulo. Ang pagwagtang ra ini mao ang pag-inom sa igong gidaghanon sa tubig sa tanang higayon.
Sa napublikar nga 2010 Handbook of Clinical Neurology, gitumbok nga ang posibleng hinungdan sa migraine ug sinus nga tipo sa labad sa ulo, ang hinungdan mao gyud ang kakulang sa tubig nga nakabara sa sirkulasyon sa oxygen ug dugo ug ubang nutrens paingon sa ulo.
* Sabog o menus sa konsentrasyon – Sa ulo lang nagbaton kini og 90 porsiyento sa tubig, gamay lang nga pag-us-os sa lebel sa tubig sa ulo, makadaut na ni sa maayong pagdisisyon, memorya ug kabuot (good mood). Apil na ini ang pagkalimtanon, kalisud sa pagpukos, paghunahuna ug paghinabi magkayungit.
* Bahog ginhawaan – Tungod sa kakulang sa tubig, kulang sab ang prodaksyon sa laway (sputom o saliva) nga nagbaton og natural anti-bakteryal , dili na kaigo nga makapuo sa paglimpyo sa mga microbyo nga nagpondo sa baba.
Tungod ini moabli ang ginhawaan, mosaka ang pan-os nga asido nga ibuga sa baba ang aslomon o langtu nga baho.
Nga ning maong sitwasyon, mosamot sab nga modaghan ang prodaksyon sa mga asidik nga mikrobyo. Mokaras ug mosakit ang tutonlan kay kulang sa lubrikante nga laway, usa ni sa sintomas nga kulang sa tubig.
* Mokalit ang gana sa pagkaon – Sa higayon nga mokaon nga malikayan ang kahangol, moinom unag usa ka basong tubig sa di pa mokaon, aron morehistro sa utok nga pakalmahon ang gana sa imong gikaon.