* Di palabi sa kabusog - Simple ra ni nimo hunahunaon apan sa uban, ganado sila nga mokaon og maayo, kay duna silay problema sa kaluyahon. Matud nila kun kapugngan lang ang gana, buhaton nila nga kamenusan ang timbang.
Apan ang tinuod gyud wala sila mabusog, nabusdik lang ang tiyan nga wa ni kaabot sa utok ang signal aron sa pagkontrol sa isud sa ginhawaan, mao patuyang lang og kaon hangtud mosakit ang tiyan sigi gihapon og paslak sa tutonlan.
* Maghinay sa pagkaon - Nagpasabot kini nga mopaspas o moabtik ang imong metabolismo. Sagad sa pagtuo sa uban, mopaspas sa pagkaon aron dili mawad-ag gana. Sayop kini matud sa mga eksperto, kay ang dinalian nga pagkaon, maka-stress ug maugtas kanunay ang utok ug lawas. Nga ang mga nutrens dili katuhop sa mga selyula, aron unta ang panglawas mobaskog.
* Isiguro makabaton og “vitamin-P” (pleasure) – Anaa ra ni nga prodyus sa kaugalingon, kanang igkaon, himoa nga gana ang kahimuot ug malipayon sa mga masustansyado (nutritious) nga natural ang kalami, dili ang kalami nga artipisyal (delicious) nga sagad sinambogan ug kemikals nga pampagana (enhance flavor).
* Relaks nga nakaplastar – Labing importante kini nga hugna sa tingkaon, ipahimutang ang kaugalingon, tutokan ang pagkaon, moginhawa og lawom, aron hamugaway sa tutonlan nga makakonektar og signal sa utok (pituitary gland). Unya, inig hungit ayaw pagdali nga tulon dayon, usapon nga tagamtamon pag-ayo paghatag higayon sa sekolohikal nga proseso sa gikaon nga maoy mokontrol nga igo na kini ug ilahugay niini ang mga nutrens nga patuhopon sa lawas.
Ighuman og kaon, obserbahe ang tiyan ug paminawa ang kondisyon ini, morag hayahay nga makapikpik ka sa kahimuot. Idisiplina lang permi aron kini moepekto.