Ang lawas dili makina

Ganahan kita nga mahuman nato ang daghang trabaho mao nga kayud taman sa ginhawa. Diha kita makabantay nga kinahanglanon diay nato ang pahuway aron ta ma-energize. Ang pulong Sabbat nagpasabot man pahuway.

Pahuway kini nga mahinungdanon kaayo aron kita makabaton og tukmang panahon sa paggamit sa atong kaugalingong panahon diha sa paglambo. Panahon usab kini sa lawas nga makahimo sa iyang pag-alim gikan sa naghinobrang kahago. Bisan gani ang makina nagkinahanglan man og pahuway, ang lawas pa kaha? Paagi usab kini sa paghatag og igong pagtahud sa atong lawas ingon templo sa Balaang Espiritu. Mao nga gamiton nato kini sa pagdayeg sa Dios ang tinubdan sa tanang pahuway. Mao nga paminawa ang mulo sa imong lawas basin baya ug nahimo kang mapalabi labihon kaniya?