Dili lang ni maayo sa kolesterol ug sa paus- os sa hayblad, makatabang sab ni sa pagsanta sa atake ug sakit sa kasingkasing.
* Ulsers – Kun nag-antos ka sa sakit sa tiyan o implamasyon sa tinai, ang usa ka baso sa cabbage juice makahupay niini sud sa 2-3 ka adlaw.
Nadiskubre sab sa pagtuon ang preskong repolyo (cabbage juice), dili lang kay makahupay dayon kini, kondili mas dali ayuhon ang sakit nga ulcer itandi sa naandang paagi sa pagtambal (standard treatment).
Tungod kay nagbaton ni’g espesyal nga aktibong natural component ang repolyo (cabbage) nga gipahaum sa ulcer ang vitamin U, apan usa ni ka ‘methylmentionine’ sa tanom aron pag-alim sa samad sa tinai.
Ang cabbage juice, dasok sab sa mga kemikal sa tanom (phytochemicals), nga motabang sa pagprotehir ug pag-ayo nga hilison ang mga tibugol nga plema o mucos, nga namilit sa lining wall sa tinai ug sa tinai.
Ang sulforaphane ini, mopatay sa H pylori nga responsable sa sakit nga peptic ulcer.
Ingon man ang glutamine amino acid sa cabbage juice, gikonsiderar nga mas superyor ang kaepektibo itandi sa komersyal nga antiacid.
* Pampahilis – Ang cabbage juice natural nga solusyon sa pagluwas sa problema niadtong dugay kahilisan og kinaon.
Aduna ni mopaalibyo sa kabuhi (GERD) gumikan sa kadasok niini sa mga pytochemicals.
Ang lactic acid sa repolyo labi na ang green o ang pula, mopabaga sa tissues nga gut flora sa tinai, depensa aron dili magasgas o masamad. Mao sab kini ang motapak sa kabusluton o nagkanipis nga tinai, nga sagad mao kini ang kahimtang sa nag-antus sa sakit sa ulser.
Kadto sab nga kanunay gahi ang hugaw (constipation o IBS) niini maayo sab nga remedyo ang cabbage juice.