Gasa sa Gugma

Dili lang kini mahitungod sa bundles of joy dayon feeling good ang matag tawo tungod kay may nahatag siyang canned goods ngadto sa uban. Apan ang mas mahinungdanon mao nga diha sa imong paghatag nahimo kang mas nalipay ug mas nakakita sa kahulogan sa kalambigitan gumikan sa maong panagtagbo.

Dili kini mahitungod sa imong nadawat ug nahatag. Naunsa ka man human sa maong panagtagbo? Kun ang maong panagtagbo nakapahimo nimong mas hamtong nga tawo nan, mabulokon kini apan kun gihimo nimo kining kahigayonan sa pagpanglupig, nan, nahimo kang mas naunlod sa kawalay kapaingnan. Ang paghatag balaanon labina kun gihimo nimo kini tungod kay maoy giisip mong husto ug makatarunganon.