Unsaon pag-detox aron di dali masakit? (1)

Sagad sa mga hinungdan, ngano kita lup-ogon sa grabeng pagkasakit, kini gumikan kay halos tanang mga ‘organ’ o parte sa lawas, gilumloman sa mga taya (residue) sa mga hugaw o toksins, mao nga kanunay ang atong sistema sa imyun maluya. Ug kay huyang ang atong imyun, dali ra kita mataptan sa mga balatian.

Ang paglig-on  sa imyun, anaa ra gayud sa palibot nga magamit kini sa himsog nato nga istelo sa kinabuhi (healthy lifestyle). Apan nahinaykan man ang kalami sa ampay, unsa may buhaton nga dili kita maantimano sa daghang sakit. Angay himuong prayoridad ang pagpakabana sa maayong panglawas, labi na sa paglimpyo sa lawas gikan sa mga toksins. Sama nga seryusohon natong himoong giya kining mga mosunod.

* Pagdiyeta nga makahimsog – likayan ang mga produktong GMO’s, mga prosesong asukar ug ubang pagkaon, mga ‘refined’ ug ‘pasteurized’ nga ingrediyentes. Aron masiguro malimpyohan nga way mamilit nga kabiling toksins sa pagkaon niini. Apil na nga dili magpatuyang sa ilimnong kape ug alcohol.  Ug maoy ihulip, ang mga maayong tambok (good fats) gikan sa tanom, sama sa avocado, lubi, olive oil, mga liso, probiotics ug isda.

* Limpyohan ang tinai – Pinaagi sa pagkonsumo og ‘dandelion roots’, beets, , ‘castor oil’, ahos, usa ka mansanas  kada adlaw, ug turmeric. Moinom sab og ‘carrot juice’ aron di motapot ang mga bason nga mahimong bato sa ‘gallbladder. Labi na gayud sa pag-inom sa gisagol nga olive oil ug lemon juice, molimpyo kini sa tinai.

* Limpyohan ang mga kidney – Kon mokonsumo kag B6, luy-a, ‘horsetail’, mao ni ang molimpyo sa kidney ug mopagawas sa mga makahilong hugaw, o mga toksins gikan sa lawas. Ilabi na gyud sa kidney. diin natigum ang mga linugdang sa nasalang  toksin nga kadugayan matibuok kini nga bato sa kidney.