Akong gisuroy ang mga sam-ang sa Tabuelan ingon man sa Sogod ug sanglit wa man kaayo ko’y schedule maong nakahirit na lang ko sa pagkaon sa mga tortang gidalit ngari kanako.
Buhi kaayo ang mga sam-ang ning mga higayona kay lagi kalag-kalag man. Akong nakita nga ang mga tawong buhi naghimamatay aron sa ingon magkumustahay.
Saba ang sam-ang ug bisan pa man kon tuod dili maayo sud-ongon ang mga abusadong buhi ngadto sa mga patay apan sa laing bahin, nahimong timailhan kining maong kasinatian nga ang kamatayon diay anaa lamang sa napatik sa mga lapida.
Ang kamatayon diay maoy ganghaan alang sa kinabuhing dayon nga atong gipangandoy bisan pa man kun nia pa kita sa yuta.