Dear Atty. Divine,
Duna koy karelasyon nga minyo apan nagbuwag na sila sa iyang asawa sud na sa 17 ka tuig. Naa na say laing pamilya ang iyang asawa ug aduna na gani silay mga anak. Nagplano unta mi nga magpakasal karon sa akong karelasyon. Pwede ba mi magpakasal na or kinahanglan pa siyang magpa annul sa iyang kaminyuon bisan pa kon 17 years na silang buwag? Daghang salamat. —Lea
Dear Lea,
Bisan kon 17 ka tuig na nga nagbuwang ang imong karelasyon ug ang iyang asawa di gihapon mo pwede nga magpakasal . Kinahanglan nga iya unang ipa annul sa korte ang iyang previous marriage sa dili pa mo magpakasal or else makiha siya og Bigamy kon magpakasal siya og kaduha. Ang gidugayan sa panagbuwag wa kana magpasabot nga naputol na sab ang ilang kaminyuon, ang korte lang ang mamahimo nga mo annul sa kaminyuon ug kinahanglan nga ang asawa or bana maoy mopasaka og petition sa korte alang sa pagpa annul sa ilang kaminyuon. Thanks and God bless. — Atty. Divine
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.