Mga kaayohan sa ‘cream of tartar’ (3)

* Pag-alibyo sa acne — Matud pa sa ‘Bukisa’ website, ang ‘cream of tartar’, makapaalibyo kini sa acne, nga ini’g-ayo ang panit hamison ug wagtangon ang uwat niini.

Unsa may buhaton? — Moinom sa solusyon nga gikutaw sa usa ka basong tubig –init nga butangan nga adunay usa ka kutsara sa ‘cream of tartar’. Maayo ni imnon kada buntag sud sa usa ka bulan, masinati na ang maayo nga resulta, nga inanay nagkahayag  ang panit.

* Pagsanta batok sa ‘gallstone’ — Sa usa ka litro nga sudlanan, isagol ang duga sa  unom ka preskong prutas nga lemon, usa ka kutsaritang Epsom salt ug tulo ka kutsara sa cream of tartar. Pun-a ug kutawa nga isulod sa ref, nga moinom ka ini og usa ka gamay                  nga baso niini nga solusyon, kada gabii sa dili pa  matulog.

Matud pa ni Lena sa ‘Cure Zone’, gikinahanglan kini bisan niadtong tandogonon na sa bato ang pantog (gallstone), makakaon pa sa ilang kinaham.

* Pag-alibyo sa bakteryal nga impeksyons — Motumaw kini sa bisan asa nga parte sa lawas ang bakteryal impeksyon, sa mga sintomas sa panghubag, ug hilanat. Kon duna kay gipamati nga impeksyon, moinom ka og ½ ka kutsarita nga cream of tartar, nga isagol sa usa ka basong tubig –init. Ang ‘Five Remedies’ nag-ingon nga ang cream of tartar makapataas sa lebel sa alkaline (body pH), aron pagsanta ug aron dili mosanay ang makadaot nga bakterya sa lawas.

* Mopaubos sa presyur sa dugo — Ang kadtong kanunay nga anaa sa estado nga hayblad, mipasabot ang ‘Richter’ kon kulang kita sa potassium, maingon gyud ini ang atong kondisyon nga motaas ang presyon sa dugo.

Busa, ang pag-inom og usa ka kutsarita sa cream of tartar nga isagol sa tubig-init, makapaus-os sa hayblad.